Апісанне конкурса «Падзея года» ў межах V Фестываля нефармальнай адукацыі

Мэта конкурса: Прызнанне грамадскай карыснасці шматлікіх практык нефармальнай адукацыі.

Задачы конкурса:

• прадэманстраваць разнастайнасць падзей і тэм у сферы нефармальнай адукацыі, іх вынікі і грамадскую карысць;
• павысіць цікавасць шырокай грамадскасці да праграм і мерапрыемстваў у сферы нефармальнай адукацыі, а таксама да Фестываля нефармальнай адукацыі;
• актывізаваць правайдэраў паслуг нефармальнай адукацыі ў публічным прадстаўленні сваіх праграм і мерапрыемстваў.

У конкурсе могуць прымаць удзел падзеі (любыя дзеянні, паслугі, праграмы, мерапрыемствы, прадукты ў сферы нефармальнай адукацыі) за 2013-2014 гады, якія садзейнічалі вырашэнню актуальных грамадскіх праблем, развівалі сацыяльныя, грамадзянскія, асабовыя, прафесійныя кампетэнцыі ва ўдзельнікаў і праходзілі ў Рэспубліцы Беларусь для жыхароў краіны.

Арганізатарам конкурса з’яўляецца арганізацыйны камітэт V Фестываля нефармальнай адукацыі.

Падвядзенне вынікаў Конкурсу і цырымонія ўзнагароджання пераможцаў адбудзецца 6 снежня 2014 года ў канферэнц-зале Мінскага міжнароднага адукацыйнага цэнтра ім. Ёханэса Рау.

Прызы і крытэрыі ацэнкі конкурса «Падзея года»

Падзеі, заяўленыя на конкурс, ацэньваліся як журы, так і шляхам народнага галасавання ў некалькіх намінацыях:

1. Прыз глядацкіх сімпатый. Яго ўладальнік будзе вызначаны з дапамогай народнага галасавання, якое будзе праводзіцца анлайн з 24 лістапада па 5 снежня 2014 на сайце www.adukatar.net.
2. Прызы экспертнага журы. Экспертнае журы вызначыць уладальнікаў 4-х прызоў конкурса, якія ў найбольшай ступені адпавядаюць крытэрыям конкурса.

Асноўныя крытэры ацэнкі заяўленых на Конкурс падзей:

• грамадская карысць: важнасць і выніковасць падзеі, уклад у рашэнне грамадскай праблемы;
• прывабнасць: наколькі тэма і форма падзеі цікава ўдзельнікам і публіцы;
• інавацыйнасць (навізна тэмы, падыходу, формы і інш.). Будзе ўлічвацца, але не будзе з’яўляцца вызначальным крытэрыям.

Да галасавання і ацэньвання журы былі дапушчаны толькі матэрыялы, якія адпавядалі заяўленым крытэрыям.

Склад экспертнага журы

• Алена Макоўская – Каардынатар кампаніі «Будзьма беларусамі!»;
• Вольга Рудзь – Дырэктар і сузаснавальнік Адукацыйнага і Кадравага цэнтра “Новае заўтра”, кандыдат сац. навук;
• Аляксей Галанцоў – Кансультант, Pact;
• Дзяніс Кандратовіч – Сузаснавальнік Maesens.by;
• Кацярына Дзятлава – Менеджэр праектаў Агенцтва ЗША па міжнародным развіцці (USAID) у Беларусі;
• Таццяна Вадалажская – Каардынатар праграмы «Лятучы ўніверсітэт».