У межах праграмы «Школа адукатараў» Асацыяцыя дадатковай адукацыі і асветы традыцыйна арганізуе доўгатэрміновыя семінары-трэнінгі для спецыялістаў сферы нефармальнай адукацыі, якія маюць першасны досвед адукацыйнай дзейнасці, жадаюць павысіць свае прафесійныя кампетэнцыі, а таксама падрыхтаваць і правесці ўласнае адукацыйнае мерапрыемства.

Мэтай школ з’яўляецца павышэнне ўзроўню кампетэнтнасці ўдзельнікаў у галіне распрацоўкі і правядзення кароткатэрміновых адукацыйных праграм (курсаў, лекцый, семінараў, трэнінгаў і г.д.) на аснове стратэгіі актыўнага навучання.

У час працы Школ яе ўдзельнікі абмеркоўваюць канцэпцыі адукацыйных мерапрыемстваў (мэтавыя групы, мэты і задачы, крытэрыі ацэнкі паспяховасці мерапрыемства і г.д.). Удзельнікам прадастаўляецца магчымасць праводзіць свае адукацыйныя мерапрыемствы ў межах агульнабеларускіх Тыдняў нефармальнай адукацыі.

Удзельнікі Школ маюць магчымасць набыць веды і ўменні, неабходныя для павышэння якасці зместу, менеджменту і ацэнкі эфектыўнасці праграм у галіне нефармальнай адукацыі.

На мерапрыемствах «Школы адукатараў»  асаблівая ўвага надаецца наступным аспектам:

• Сучасныя падыходы да нефармальнай адукацыі;
• Асноўныя прынцыпы адукацыйных праграм у галіне нефармальнай адукацыі;
• Метадалогія распрацоўкі і прасоўвання адукацыйных праграм;
• Тэхналогія арганізацыі навучання дарослых: трэнерскія і фасилитаторские кампетэнцыі;
• Ацэнка эфектыўнасці праграм у галіне нефармальнай адукацыі.

Навіны «Школа адукатараў» чытайце па гэтай спасылцы.