Зараз вы тут: Навiны » Сэмінары па нарошчваньні ўнутранага патэнцыялу НГА

Фонд “Понціс” (Славакія) і МГА “ЗБС “Бацькаўшчына” (Беларусь) запрашаюць беларускія грамадзкія арганізацыі прыняць удзел у праграме: “Наладжваньне супрацоўніцтва паміж грамадзкім і дзелавым сэктарамі Беларусі на аснове славацкага досьведу”.

Увосень 2010 году ў межах праграмы будзе арганізавана 3 сэмінары па нарошчваньні ўнутранага патэнцыялу беларускіх грамадзкіх арганізацыяў. Сэмінары будуць сканцэнтраваныя на наступных пытаньнях:

– умацаваньне арганізацыйнага патэнцыялу грамадзкіх аб’яднаньняў (місія, стратэгічнае плянаваньне ды інш.);

– як распачаць камунікацыю зь бізнэс-кампаніямі;

– як зьвярнуцца да кампаніі з прапановай двухбаковага супрацоўніцтва;

– кансультацыі, датычныя дзейнасьці арганізацыяў.

Усе сэмінары будуць мець інтэрактыўную форму й праводзіцца славацкімі экспэртамі, а таксама прадстаўнікамі славацкіх кампаніяў. Адна з найбольш важных частак праграмы – выпрацоўка ўдзельнікамі прапановаў па супрацоўніцтве зь бізнэсам.

Праз узаемадзеяньне й сумесную актыўнасьць будзе наладжанае сталае супрацоўніцтва беларускіх грамадзкіх арганізацыяў, зацікаўленых у разьвіцьці кантактаў зь бізнэсам, дзеля камунікацыі паміж сабой, абмену інфармацыяй, ведамі, досьведам і ідэямі.

Каб прыняць удзел, неабходна запоўніць анкету, форма якой знаходзіцца ў даданым файле “Anketa.doc”, і даслаць яе на эл. адрас: application.NGO@gmail.com

Апошні тэрмін падачы заявак – 30 чэрвеня.

Больш падрабязную інфармацыю глядзіце ў даданым файле “Zaprashenne“.

Паводле рассылкі belngo.info

Сеткi:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Дадаць каментар


+ 1 = 6

© 2012-2017 Асацыяцыя дадатковай адукацыі і асветы · Падпiшыся:ЗапісыКаментары