Зараз вы тут: Архіў, Дзейнасць » Конкурс сацыяльных відэаролікаў

КОНКУРС САЦЫЯЛЬНЫХ ВІДЭАРОЛІКАЎ
НА ТЕМУ ГРАМАДЗЯНСКАЙ АДУКАЦЫІ І ПРАВОЎ ЧАЛАВЕКА
«МАСТАЦТВА ЖЫЦЬ РАЗАМ»

9-11 кастрычніка 2020 года ў Адэсе (Украіна) у межах Тыдня грамадзянскай адукацыі ЕЕNСЕ адбудзецца Х Міжнародны моладзевы фестываль сацыяльнай рэкламы “Іншы погляд”.

Мэта фестывалю – прыцягнуць увагу грамадства да праблем правоў чалавека, інклюзіі, гендэрнай роўнасці, экалогіі, талерантнасці і ўзаемапавагі, адносін паміж пакаленнямі, сацыяльных крызісаў, а таксама выяўленне магчымасці сумеснага вырашэння гэтых праблем.

У межах фестывалю адбудзецца конкурс сацыяльных відэаролікаў на тэму грамадзянскай адукацыі і правоў чалавека пад назвай “Мастацтва жыць разам”.

Удзел у конкурсе адкрыты для ўдзельнікаў з розных краін Усходняга Партнёрства Еўрапейскага Саюза (Азербайджан, Арменія, Беларусь, Грузія, Малдова, Украіна) і Расіі. Дапускаецца ўдзел і прадстаўнікоў іншых краін, калі іх працы датычацца жыцця краін названага рэгіёну. Удзельнікамі фестывалю могуць быць як прафесіяналы ў сферы медыя, так і школьнікі, студэнты і грамадзянскія актывісты любога ўзросту.

Для ўдзелу ў конкурсе неабходна да 15 верасня 2020 года:

Ø  даслаць свой відэаролік (або лінк для яго запампоўкі) на пошту: eence.socialcontest@gmail.com, пазначыўшы ў тэме ліста тэме краіну, якую вы прадстаўляеце, імя і прозвішча аўтара працы.

Ø  зарэгістравацца на сайце фестываля або даслаць заяўку на ўдзел (можна адным лістом разам з працай) на пошту eence.socialcontest@gmail.com (на рускай і англійскай мовах). У заяўцы пазначыць назву відэароліка; прозвішча, імя аўтара / аўтараў; краіну; мэту, мэтавую групу і кароткае апісанне відэароліка.

Адбор будзе ажыццяўляць журы пад кіраўніцтвам рэжысёра і сцэнарыста Валерия Балаяна

Крытэрыі ацэньвання работ:

Ø  адпаведнасць тэме, якая раскрывае ідэі грамадзянскай адукацыі;

Ø  арыгінальнасць і крэатыўнасць ідэі;

Ø  якасць увасаблення і візуальная рэалізацыя ідэі;

Ø  адсутнасць палітычнай або камерцыйнай рэкламы;

Ø  сацыяльная значнасць;

Ø  захаванне аўтарскага права;

Ø  адпаведнасць тэхнічных параметраў (хранаметраж роліка 1-3 хвіліны).

Пераможцы будуць вядомыя да канца верасня 2020 года.

Для пераможцаў конкурсу прадугледжаны дыпломы і каштоўныя прызы.

Таксама пераможцы конкурсу будуць запрошаныя на канферэнцыю NECE – Еўрапейскай Ceткі грамадзянскай адукацыі, правядзенне якой запланавана на 5-7 лістапада ў г. Берлін (Германія). Канферэнцыя адбудзецца на англійскай мове.

Арганізатары Конкурсу пакідаюць за сабой права: выкарыстоўваць конкурсныя працы ў рамках розных мерапрыемствах EENCE ў некамерцыйных мэтах і без выплаты грашовага ўзнагароджання аўтару (аўтарскаму калектыву), але з абавязковым указаннем імя аўтара (суаўтараў).

Сацыяльныя ролікі могуць быць таксама апублікаваныя ў сацыяльных сетках, а таксама на сайце EENCE.

Арганізатары конкурса гарантуюць захаванне ўсіх аўтарскіх правоў!

***

У выпадку прад’яўлення патрабаванняў, прэтэнзій і позваў трэціх асоб, у тым ліку праваўладальнікаў аўтарскіх і сумежных правоў на прадстаўленую працу, удзельнік абавязуецца вырашаць іх ад свайго імя і за свой кошт.

Калі вы хочаце быць у курсе апошніх навін EENCE і даведацца больш пра мерапрыемствы EENCE, далучайцеся да нас на Facebook і наведайце сайт EENCE

Дадатковую інфармацыю, звязаную з удзелам у конкурсе і яго ўмовамі, можна атрымаць, накіраваўшы свае пытанні на адрас: eence.cew@gmail.com


Правядзенне Конкурсу забяспечвае арганізацыйны камітэт Тыдня грамадзянскай адукацыі Усходне-Еўрапейскай Сеткі грамадзянскай адукацыі (EENCE) пры падтрымцы Федэральнай агенцыі па грамадзянскай адукацыі (Bundeszentrale für politische Bildung) і Міністэрства замежных спраў Германіі.

Сеткi:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Дадаць каментар

© 2012-2020 Асацыяцыя дадатковай адукацыі і асветы · Падпiшыся:ЗапісыКаментары