Зараз вы тут: 2010 » КОНКУРС «ЛЕПШЫ САЙТ У СФЕРЫ НЕФАРМАЛЬНАЙ АДУКАЦЫІ ЗА 2010 ГОД»

ПАЛАЖЭННЕ

Мэта Конкурсу: стымуляванне развіцця ў Беларусі інфармацыйнай прасторы, якая спрыяе развіццю асабістых і прафесійных кампетэнцый праз нефармальную адукацыю.

Арганізатарам Конкурсу з’яўляецца Арганізацыйны камітэт ІІІ Фестывалю нефармальнай адукацыі.

Намінацыі Конкурсу:

  1. Ацэнка экспертаў і выбар імі 5 лепшых сайтаў.
  2. Народнае галасаванне ў Дзённіку Фествалю

http://fiestyval-nfa.livejournal.com/

Удзельнікі: беларускія вэб-сайты (зарэгістраваныя ў даменнай зоне і/або арыентаваныя на беларускую аўдыторыю), блогі і г.д., якія садзейнічаюць развіццю асабістых і прафесійных кампетэнцый, а таксама папулярызуюць нефармальную адукацыю.

Крытэры ацэнкі:

  1. Адпаведнасць мэтам і задачам нефармальнай адукацыі.
  2. Зручнасць у прадстаўленні інфармацыі.
  3. Поўнасць і суцэльнасць інфармацыйнага напаўнення – ахоп заяўленай тэмы, адпаведнасць зместу заяўленай тэме і назве сайту, аднаўляльнасць інфармацыі – перыядычнасць з’яўлення новых матэрыялаў.
  4. Аўтэнтычнасць інфармацыі і аўтарскія правы – наяўнасць аўтарскіх матэрыялаў, суадносіны ўласнага і займанага кантэнту, наяўнасць спасылак на першакрыніцы.
  5. Наведвальнасць рэсурсу – статыстыка за апошні квартал.
  6. Інтэрактыўныя паслугі – магчымасць каментаваць артыкулы, наяўнасць форуму, RSS-каналаў, падпіскі на навіны ды інш.
  7. Наяўнасць на сайце адукацыйных рэсурсаў – бібліятэк, матэрыялаў трэнінгаў, карысных спасылак.
  8. Пранікненне ў Інтэрнэт (вага ў сетцы, агульнавядомасць, індэкс цытавання).
  9. Якасць выканання праграмнай і графічнай частак сайту.

Абавязковай умовай удзелу ў Конкурсе з’яўляецца размяшчэнне банеру ІІІ Фестывалю нефармальнай адукацыі на сайтах, заяўленых на Конкурс.

Для ўдзелу ў Конкурсе неабходна даслаць заяўку ў электронным выглядзе на адрас Аргкамітэту Фестывалю fest.nfe@gmail.com (да 4 кастрычника 2010 г) з адзнакай “Конкурс сайтаў”.

Падвынікаванне Конкурсу і цырымонія ўзнагароджання пераможцаў адбудзецца 10 кастрычніка 2010 г.

Каардынатар Конкурсу Андрэй Ляўко andrey.focus@gmail.com

Кантактны тэлефон +375-29-671-41-19

Падрабязную інфармацыю пра ІІІ Фестываль нефармальнай адукацыі гл. на сайце www.adukatar.net
Форма заяўкі аўтара або калектыву аўтараў

на ўдзел у Конкурсе “ЛЕПШЫ САЙТ У СФЕРЫ НЕФАРМАЛЬНАЙ АДУКАЦЫІ ЗА 2010 ГОД”

  1. П.І.Б. аўтара(-ў)
  2. Арганізацыя, якую прадстаўляюць
  3. Поўная кантактная інфармацыя аўтараў, улучна з e-mail, паштовым адрасам, тэлефонам, факсам
  4. Назва і адрас Інтэрнэт-рэсурсу, які прадстаўляецца на Конкурс
  5. Анатацыя Інтэрнэт-рэсурсу (да 255 сімвалаў)
  6. Ключавыя словы і фразы (5-10)
  7. Статыстыка Інтэрнэт-рэсурсу за апошні квартал
  8. Ці зацікаўленыя Вы ў размяшчэнні Інтэрнэт-рэсурсу, прадстаўленага на Конкурс, у каталозе Інтэрнэт-сайтаў http://press.net.by?

ТАК          НЕ

  1. Заўвагі, рэкамендацыі, пажаданні, прапановы
Сеткi:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Дадаць каментар

© 2012-2017 Асацыяцыя дадатковай адукацыі і асветы · Падпiшыся:ЗапісыКаментары