Зараз вы тут: Навiны » Гарвыканкам абмяркуе прапановы маладых гродзенскіх навукоўцаў

Сябры абласнога грамадскага аб’яднання маладых навукоўцаў “ВІТ” прапанавалі ўладам усталяваць ў гістарычным цэнтры Гародні інфармацыйныя шыльды пра адметныя будынкі і вуліцы.

Гродзенская тапанімічная камісія і камісія па культуры гарадскога Савета дэпутатаў разгледзяць зварот грамадскіх актывістаў на чарговым сумесным пасяджэнні.

Ліст у гарвыканкам сябры “ВІТу” даслалі яшчэ 22 сакавіка.

Не атрымаўшы адказу ў азначаны тэрмін, яны звярнуліся па тлумачэнні.

А.Вашкевіч: “У гарвыканкаме нас запэўнілі, што адказ быў накіраваны на адрас грамадскага аб’яднання “ВІТ”, аднак мы яго не атрымалі.

Нам выслалі копію адказу, датаваную 20 красавіка і сказалі, што наш зварот будзе разглядацца пасля майскіх святаў”.

Пра магчымасць прысутнасці маладых навукоўцаў пры разглядзе іх прапановы ў лісце з гарвыканкаму не гаворыцца.

Тым часам, ідэя аўтараў звароту ўжо знайшла сваіх прыхільнікаў.

А.Вашкевіч: “Нас падтрымала кафедра беларускай культуры і рэгіянальнага турызму факультэту турызму і сэрвісу.

Яе супрацоўнікі таксама напісалі зварот у гарвыканкам, дзе засведчылі, што лічаць прапанаваны намі праект актуальным і гатовыя ўдзельнічаць у яго распрацоўцы”.

На думку маладых навукоўцаў, размяшчэнне ў гістарычным цэнтры горада разнастайных шыльдаў з цікавай гістарычнай інфармацыяй дапаможа турыстам адчуць атмасферу мінулага горада, даведацца больш пра яго гісторыю, адшукаць дарогу да важных культурных аб’ектаў, заахвоціць яго да больш грунтоўнага азнаямлення з горадам.

Аўтары зварота прапануюць сваю дапамогу ў распрацоўцы і рэалізацыі канцэпцыі ўсталявання шыльдаў і гатовыя разам з гарадскімі ўладамі шукаць грошы на развіццё інфармацыйна-турыстычнай інфраструктуры Гродна.

Сеткi:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Дадаць каментар


8 × = 64

© 2012-2017 Асацыяцыя дадатковай адукацыі і асветы · Падпiшыся:ЗапісыКаментары