Задачы Фестываля 2014:

• прадставіць нефармальную адукацыю як сістэму, якая забяспечвае развіццё сацыяльных, грамадзянскіх, прафесійных кампетэнцый і творчых здольнасцей асобы на працягу ўсяго жыцця;
• прэзентаваць разнастайнасць праграм і спецыфіку падыходаў нефармальнай адукацыі, яе карысці для грамадства;
• стымуляваць абмен досведам і наладзіць партнёрскія сувязі паміж удзельнікамі;
• арганізаваць абмеркаванне тэндэнцый і перспектыўных напрамкаў развіцця нефармальнай адукацыі.

На працягу двух фестывальных дзён былі прадстаўлены:

• прэзентацыі разнастайных адукацыйных праграм і праектаў;
• майстар-класы ў выкананні лепшых адукатараў;
• творчыя конкурсы;
• дыскусіі па актуальных пытаннях развіцця нефармальнай адукацыі ў нашай краіне і за мяжой;
• цікавая культурная праграма;
• выстава арганізацый і адукацыйных праграм нефармальнай адукацыі.

Фестываль-2014 захоўвае свой традыцыйны інтэрактыўны спосаб фарміравання праграмы:

Фармат удзелу ў Фестывалі:

• арганізацыя майстар-класа;
• прэзентацыя адукацыйнай праграмы, праекта, выдання і сайта;
• прэзентацыя арганізацыі ў межах выставы;
• удзел у конкурсе, які праводзіцца ў рамках Фестываля (падрабязную інфармацыю і палажэнне аб конкурсе глядзіце ніжэй);
• свабодны ўдзел.

Майстар-класы

• працягласць майстар-класа не павінна перавышаць 50 хвілін;
• арганізатары Фестываля адказныя за аўдыторыю, неабходнае абсталяванне, а таксама пераклад у выпадку ўдзела ў майстар-класе замежных гасцей.

Прэзентацыі

• прэзентацыя не павінна перавышаць 15 хвілін;
• для прэзентацыі неабходна выбраць актуальную праграму/кнігу/сайт/праект, якія створаны на працягу апошніх двух гадоў.

Аргкамітэт пакідае за сабой права адбора майстар-класаў і прэзентацый.

Палажэнне конкурса «Падзея года» ў межах V Фестываля нефармальнай адукацыі

Мэта конкурса: Прызнанне грамадскай карыснасці шматлікіх практык нефармальнай адукацыі.

Задачы конкурса:

•  прадэманстраваць разнастайнасць падзей і тэм у сферы нефармальнай адукацыі, іх вынікі і грамадскую карысць;
•  павысіць цікавасць шырокай грамадскасці да праграм і мерапрыемстваў у сферы нефармальнай адукацыі, а таксама да Фестываля нефармальнай адукацыі;
•  актывізаваць правайдэраў паслуг нефармальнай адукацыі ў публічным прадстаўленні сваіх праграм і мерапрыемстваў.

У конкурсе моглі прымаць удзел падзеі (любыя дзеянні, паслугі, праграмы, мерапрыемствы, прадукты ў сферы нефармальнай адукацыі) за 2013-2014 гады, якія садзейнічалі вырашэнню актуальных грамадскіх праблем, развівалі сацыяльныя, грамадзянскія, асабовыя, прафесійныя кампетэнцыі ва ўдзельнікаў і праходзілі ў Рэспубліцы Беларусь для жыхароў краіны.

Падзеі, заяўленыя на конкурс, былі ацэнены як журы, так і шляхам народнага галасавання ў некалькіх намінацыях:

1. Прыз глядацкіх сімпатый. Яго ўладальнік будзе вызначаны з дапамогай народнага галасавання, якое праводзілася анлайн з 24 лістапада па 5 снежня 2014 на сайце www.adukatar.net.
2. Прызы экспертнага журы.

Асноўныя крытэрыі ацэнкі заяўленых на Конкурс падзей:

•  грамадская карысць: важнасць і выніковасць падзеі, уклад у рашэнне грамадскай праблемы;
•  прывабнасць: наколькі тэма і форма падзеі цікава ўдзельнікам і публіцы;
•  інавацыйнасць (навізна тэмы, падыходу, формы і інш.). Будзе ўлічвацца, але не будзе з’яўляцца вызначальным крытэрыям.

Да галасавання і ацэньвання журы былі дапушчаны толькі матэрыялы, якія адпавядаюць заяўленым крытэрыям.

Арганізатарам конкурса з’яўляецца арганізацыйны камітэт V Фестываля нефармальнай адукацыі.

Падвядзенне вынікаў Конкурсу і цырымонія ўзнагароджання пераможцаў адбылася 6 снежня 2014 года ў канферэнц-зале Мінскага міжнароднага адукацыйнага цэнтра ім. Ёханэса Рау.

Мы знаходзімся недалёка ад станцыі метро “Пятроўшчына” на праспекце Газеты “Праўда” у будынку Міжнароднага адукацыйнага Цэнтра імя Йоханэсса Раў:

Просмотреть увеличенную карту

Падтрымка Фестываля:

	US Agency for International Development
	PACT