Зараз вы тут: Навiны » Cемінары «Эфектыўныя метады матывацыі і ацэнкі. Актыўная ацэнка»

Апошні тэрмін падачы заявак – 30 чэрвеня

Запрашаем настаўнікаў сярэдніх школ, а таксама ўсіх, хто працуе на ніве адукацыі і жадае паглыбіць свае веды ды падзяліцца ўласным досведам, да ўдзелу ў семінарах па тэме «Эфектыўныя метады матывацыі і ацэнкі. Актыўная ацэнка».

Плануецца правесці:

І. 18–19 ліпеня 2012 г.: семінар-знаёмства з метадам актыўнай ацэнкі (для настаўнікаў усіх прадметаў усіх школьных узроўняў, метадыстаў);

ІІ. 20–21 ліпеня 2012 г.: cемінар-падтрымку для для настаўнікаў і метадыстаў, якія маюць досвед выкарыстання метаду актыўнай ацэнкі.

У кожным з мерапрыемстваў прымуць удзел ад 16 да 18 слухачоў.

Найбольш зацікаўленым і заангажаваным будзе прапанаваны ўдзел у адукацыйнай вандроўцы ў Варшаву напрыканцы праграмы.

І. Семінар-знаёмства з метадам актыўнай ацэнкі

Праграма семінара для пачаткоўцаў прадугледжвае:

Знаёмства з канцэпцыяй Актыўнай ацэнкі і яе асноўнымі элементамі (планаванне мэтаў уроку і крытэрыяў поспеху, роля зваротнай інфармацыі ад настаўніка вучням, ключавыя пытанні і тэхніка іх задавання, узаемаацэнка і самаацэнка). Знаёмства з правіламі гадавога онлайн-курса, прысвечанага актыўнай ацэнцы (пачнецца ўвосень гэтага года).

Знаёмства з метадам Актыўнай Ацэнкі, паводле якога ацэнка «дапамагае вучыцца». У шматлікіх краінах гэты метад лічыцца адным з найболей перспектыўных. Даклад Арганізацыі эканамічнага развіцця і супрацоўніцтва (OEDC) 2005 года сведчыць аб эфектыўнасці гэтага метаду для паляпшэння вынікаў навучання, матывавання агульнай цікаўнасці да жыцця і выраўноўвання адукацыйных магчымасцяў.

Мэтавая аўдыторыя: настаўнікі усіх прадметаў усіх школьных узроўняў, метадысты.

Працягласць курсаў: 2 дні х 6–7 гадзін.

Тэрмін правядзення семінара: 18–19 ліпеня 2012 г.

Мэты семінара:

• пазнаёміць настаўнікаў з канцэпцыяй актыўнай ацэнкі;
• выкласці элементы актыўнай ацэнкі;
• выканаць з удзельнікамі практыкаванні па выкарыстанні актыўнай ацэнкі;
• паспрыяць прыняццю рашэння аб выкарыстанні (ці не) актыўнай ацэнкі.

Меркаваныя вынікі семінара:

Удзельнікі пазнаёмяцца з элементамі актыўнай ацэнкі; вызначацца, ці жадаюць яны выкарыстоўваць актыўную ацэнку ва ўласнай школьнай практыцы; заплануюць падвышэнне сваёй кваліфікацыі ў гэтым кірунку.

Метады, якія будуць выкарыстоўвацца ў працэсе навучання: праца ў групах, кароткія лекцыі, мадэляванне.

Вядоўцы: Трэнеры праграмы «Школа навучання» Цэнтра грамадзянскай адукацыі (Варшава), якія выкарыстоўваюць у сваёй працы актыўную ацэнку.

Арганізатары забяспечваюць:

– Выкладанне ад дасведчаных інструктараў з найлепшых навучальных цэнтраў Польшчы.
– Магчымасць для абмену досведам і перадавой практыкай з іншымі удзельнікамі.
– Публікацыю матэрыялаў, падрыхтаваных удзельнікамі семінара.
– Сертыфікат аб заканчэнні курсу.
– Пакрыццё выдаткаў на праезд, пражыванне і харчаванне ўдзельнікаў.

Адукацыйная вандроўка ў Варшаву

Удзельнікі летняга трэнінга будуць запрошаны ў адукацыйную вандроўку ў Варшаву. Удзельнікі вандроўкі змогуць сустрэцца з практыкамі АА ў Польшчы, наведаць польскія школы ды навучальныя ўстановы і паўдзельнічаць у правядзенні ўрокаў. Таксама ўдзельнікі змогуць зладзіць для сваёй групы прэзентацыі ўласных урокаў з выкарыстаннем элементаў АА.

Умовай удзелу ў паездцы з’яўляецца распрацаваны сцэнар урока паводле АА ці іншыя метадычныя матэрыялы, якія будуць размешчаны на рэсурсе aacenka.by.

Прымаючы бок забяспечвае праезд, пражыванне і харчаванне ўдзельнікаў пад час адукацыйнага візіту.

Тэрмін вандроўкі: кастрычнік-лістапад 2011 года

ІІ, Семінар для тых, хто хоча паглыбіць веды ў метадзе актыўнай ацэнкі

Падчас навучання настаўнікі, якія працуюць паводле метаду актыўнай ацэнкі, сплануюць і правядуць свае ўрокі. Заклікаем удзельнікаў мець з сабой відэазапісы са сваіх урокаў. Запісы будуць выкарыстоўвацца толькі ў часе семінара і прыдадуцца для фармулявання зваротнай сувязі экспертаў. Калі вы маеце магчымасць узяць уласныя запісы, пазначце гэты пункт ў анкеце-заяўцы.

У часе семінара ўдзельнікі навучацца выконваць функцыі ментара онлайн-курсаў, перадусім фармуляваць эфектыўную зваротную сувязь ўдзельнікам курсаў.

Даты семінара-падтрыкі: 20–21 ліпеня 2012 г.

Умовы ўдзелу ў семінары:

• веданне асноўных элементаў АА;

• удзел у семінары для пачаткоўцаў,

• досвед выкарыстання АА;

• падрыхтаваны план урока: тэма, мэты ўрока, дапаможныя матэрыялы (напр. падручнік, матэрыялы-крыніцы, навучальныя дапаможнікі).

Для ўдзелу неабходна запоўніць анкету (doc 25,5 Kb) і даслаць яе да 30 чэрвеня ўключна на адрасaacenka@gmail.com .

Паводле aacenka.by

Сеткi:
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • Одноклассники

Дадаць каментар

© 2012-2017 Асацыяцыя дадатковай адукацыі і асветы · Падпiшыся:ЗапісыКаментары