Часопіс «Адукатар» №15 (2009)

Зараз вы тут: 2008, Адукатар » Часопіс «Адукатар» №15 (2009)

Posted by admin on лiстапада 17, 2012 // Каментароў няма

Слова рэдактара

Значная частка матэрыялаў гэтага нумара прысвечана ці связана з працай Фестывалю нефармальнай адукацыі. Як і мінулы, ІІ Фестываль нефармальнай адукацыі сапраўды стаўся
вельмі значнай і яскравай падзеяй, якая, безумоўна, узбагаціла грамадскае жыццё краіны і дала новыя імпульсы развіццю дзейнасці адукацыйных арганізацый Беларусі.

Патрадыцыі, праграма Фестывалю складалася з шэрагу разнастайных дзеянняў і мерапрыемстваў — пленарныя пасяджэнні, майстаркласы, круглыя сталы, выстаўкі арганізацый, прэзентацыі, нефармальная камунікацыя і г.д. Наяўнасць паралельных пляцовак і неабходнасць іх выбару зноў стваралi ўмовы для арганізацыі кожным сваёй індывідуальнай траекторыі ўдзелу. Гэта адбілася і на прадстаўленых у нумары матэрыялах, якія з’яўляюцца асобнымі кавалкамі агульнай карціны з цікавым, але складаным сюжэтам.

Непасрэдна з матэрыялаў Фестывалю мы друкуем выступ Таццяны Пашэвалай на пленарным пасяджэнні, а таксама вынікі конкурсаў на лепшыя выданні, стэнды і майстаркласы. Цікавым, напэўна, будзе пункт гледжання на прайшоўшы форум з боку ўдзельнікаў і арганізатараў падзеі.

На жаль, і ў гэты раз на Фестывалі не атрымалася дасягнуць пэўнага прарыву з пункта гледжання абмеркавання і ўзгаднення шляхоў і накірункаў развіцця нефармальнай адукацыі і адукацыі
дарослых у нашай краіне. У лепшым выпадку былі агучаны некаторыя важныя праблемы і штосьці прапанавана ў якасці магчымых варыянтаў іх вырашэння. Але поўнавартаснай і змястоўнай
дыскусіі яўна не атрымалася. Можа сапраўды такія дыскусіі — не фармат Фестывалю. Таму вельмі прыемна, што ў гэтым нумары змешчаны артыкулы, у якіх аўтары працягваюць пачатыя абмеркаванні, нават калі самі і не ўдзельнічалі ў працы Фестывалю.

Так, Уладзімір Мацкевіч аналізуе існуючую сітуацыю ў нефармальнай адукацыі ў нашай краіне і прапануе акутальныя крокі яе развіцця, адным з якіх бачыцца стварэнне шматузроўневай сістэмы ў гэтай сферы з дзейнасцю уласнага інстытута нефармальнай адукацыі.

Інна Ходас падрабязна разглядае праект Адукацыйнага кодэкса Беларусі ў дачыненні да дадатковай адукацыі. Аўтар паказвае, што шмат праблемных момантаў так і засталося паза межамі дадзенага нарматыўнага дакумента, а без іх вырашэння не магчыма якаснае развіццё ўсёй сферы адукацыі дарослых у сучасным разуменні дзеля адэкватнага рэагавання на сучасныя выклікі, якія стаяць перад нашым грамадствам і краінай.

Некалькі матэрыялаў нумара прысвечаны разгляду актуальных пытанняў развіцця адукацыі дарослых у Беларусі і свеце. Напрыклад, артыкул Херыберта Хінцена прысвечаны сітуацыі, якая склалася пры падрыхтоўцы да Сусветнай канферэнцыі ЮНЭСКА па адукацыі дарослых — CONFINTEA VI. Нам падаецца, вельмі важна ведаць і разумець тыя тэндэнцыі і працэсы, што адбываюцца ў сусветнай прасторы ў гэтай сферы, для больш адэкватнага абмеркавання ролі, зместу і форм нефармальнай адукацыі дарослых у рамках рэалізацыі стратэгіі неперарыўнай адукацыі ў нашай краіне.

Шэраг артыкулаў нумара не мае непасрэднага дачэнення да Фестывалю, але ў іх закранаюцца пытанні, якія ў той ці іншай ступені разглядаліся пад час форуму.

Пастаянны чытач можа заўважыць, што гэты нумара часопіса крыху “таўсцей” за папярэднія, і трэнерская скрынка змяніла сваё месца і фармат, але, спадзяемся, засталася такой жа цікавай і карыснай. Пакуль не зразумела, наколькі гэтыя змены прыжывуцца, таму рэдакцыя чакае вашых водгукаў, каментараў, уражанняў і прапаноў.

Галоўны рэдактар часопіса
Дзмітрый Карпіевіч

Змест

Спасылкі вядуць да файлаў PDF з артыкуламі

Трэнерская скрынка

Игра-симуляция “Молодежный центр”
Упражнение “Диаграмма внутренних взаимосвязей”
скрынка

Сеткi: