Цэнтар «ПОСТ»

Сайт ГА «Адукацыйны цэнтар «ПОСТ» http://www.centerpost.org

ГА “Адукацыйны цэнтар “ПОСТ” – арганізацыя, якая рэалізуе дзейнасць у сферы нефармальнай адукацыі. Сябрамі арганізацыі з’яўляюцца больш за 30 трэнераў нефармальнай адукацыі, адукатараў, лідэраў навучальных гурткоў, педагогаў, псіхолагаў. Чатыры сябры арганізацыі маюць навуковую ступень кандыдата навук.

ГА “Адукацыйны цэнтар “ПОСТ” – недзяржаўная некамерцыйная арганізацыя, якая была створаная 6 красавіка 1997 года, зарэгістраваная Управай юстыцыі Мінгарвыканкама 20 чэрвеня 1997 года і перарэгістраваная 25 жніўня 2006 года (пасведчанне аб рэгістрацыі №05\0590).

Наша місія – развіццё індывідуальнай аўтаноміі і сацыяльнай кампетэнтнасці асобы.

Мэтай дзейнасці Цэнтра “ПОСТ” з’яўляецца спрыянне развіццю чалавека як суб’екта асабістай адукацыйнай дзейнасці шляхам арганізацыі і рэалізацыі разнастайных адукацыйных праектаў і праграм.

Асноўныя задачы Цэнтра “ПОСТ”:

• стварэнне ўмоваў для паляпшэння якасці самаадукацыі чалавека і яго вынікаў
• спрыянне павышэнню эфектыўнасці дзейнасці педагогаў, якія працуюць ў розных тыпах адукацыйных арганізацый і ўстановаў
• удзел у распрацоўцы і вывучэнні разнастайных актыўных формаў і метадаў адукацыі
• пашэрэнне сувязей з грамадскімі, дзяржаўнымі і камерцыйнымі арганізацыямі, якія зацікаўленыя ў развіцці адукацыі

З 1997 г. па гэты час Цэнтрам «ПОСТ» рэалізавана болей за 40 доўгатэрміновых праграм і праектаў, праведзена болей за 400 семінараў, трэнінгаў, летнікаў, моладзевых абменаў і іншых адукацыйных праграм для падлеткаў, моладзі, спецыялістаў сферы адукацыі, актывістаў грамадскіх арганізацый і іншых мэтавых груп. Сябрамі арганізацыі напісана і выдадзена 7 кніг, якія прысвечаны розным аспектам адукацыйнай дзейнасці, педагогікі і работы з моладдзю.

Адукацыйныя праграмы Цэнтра “ПОСТ” базуюцца на максімальна поўнай рэалізацыі норм і прынцыпаў стратэгіі актыўнага навучання, якая заключаецца ў мэтанакіраванай арганізацыі спецыфічнага адукацыйнага асяроддзя, заснавананга на:

• актыўнасці ўдзельніка ў адукацыйным працэсе
• суб’ект-суб’ектных адносінах педагога і ўдзельніка (парытэтнасці)
• забеспячэнні шматбаковай камунікацыі
• запуску працэса канструявання ведаў удзельнікамі адукацыйнай дзейнасці
• выкарыстанні адпаведных (інтэрактыўных) метадаў, спосабаў і прыёмаў арганізацыі адукацыйнага працэса
• рэгулярнай рэфлексіі і сама-рэфлексіі суб’ектаў адукацыйнай дзейнасці
• выкарыстанні механізмаў самаацэнкі і зваротнай сувязі

Асноўныя мэтавыя групы:
Спецыялісты сферы адукацыі, моладзь і падлеткі, прадстаўнікі грамадскіх арганізацый, лідэры і актывісты мясцовых супольнасцяў.

Асноўныя формы адукацыйнай дзейнасці:

• семінары з “дзейнасцю”
• інтерактыўныя семінары-трэнінгі
• школы-семінары
• навучальныя гурткі
• open space
• праграмы міжнародных абменаў
• адукацыйныя летнікі

Асноўная тэматыка праграм Цэнтра “ПОСТ”:

• нефармальная (грамадзянская) адукацыя
• стратэгія актыўнага навучання
• міжкультурная адукацыя
• сучасная Еўропа і Еўрапейскі Звяз
• моладзевае лідэрства і актыўная грамадзянскасць
  грамадзянская мужнасць (актыўныя паводзіны грамадзяніна ў паўсядзённых жыццёвых сітуацыях публічных праяваў гвалту, агрэсіі альбо дыскрымінацыі)
• здаровы лад жыцця (прафілактыка ўжывання алкаголю, тытуню і наркотыкаў у моладзевым асяроддзі, рэпрадуктыўнае здароўе, асэнсаванне і пабудова жыццёвай перспектывы маладога чалавека)
• развіццё мясцовых супольнасцяў (падрыхтоўка сацыяльных арганізатараў, мясцовых актывістаў, дзейнасць па вырашэнні мясцовых праблемаў, устойлівае развіццё і мясцовыя Павесткі XXI).

Кантактныя каардынаты:
220037, зав. Уральскі 15, Мінск, Беларусь,
Тел.: +375 17 269 90 34
Факс: +375 17 269 90 35
Эл. пошта: center_post@tut.by
Вэбсайт: http://www.centerpost.org

Старшыня Праўлення – Дзмітры Карпіевіч
Выканаўчы дырэктар – Улад Вялічка